BIRTHDAY GATHERING

點解１０月份有咁多人生日，單單上星期已經食左４餐生日飯啦／．

好多夀星仔都係好朋友仔，所以全部都有計畫性地慶祝．．
小蛋＠狂歡今晚夜之林子袢
Thomas@秋涼海鮮之放．逐（縱）慶生會
老豆之私房菜　 ＠好大面









今日同２位同事 慶祝．．嘩．．终於冇人要慶祝１０份生日啦，因為已經月底啦．．．但下個月有幾多個呀？？

北京之友

前天一個北京朋友來了香港，昨天同佢地食飯，　她仔仔是一個２歲小朋友，平時BB話已經好難明，他說北京bb話就更難明啦！！
佢個仔仔只係好西瓜汁，好好笑，好得意！！

我朋友成３年冇見我，佢話我冇左以前細路女，有女人味．．咁咪＝老左囉

昨日係我公司老細生日，因為尙未出花紅，人人都出心思等老細開心．．
由lunch食完，下午茶birthday party．．強勁呀！

等待出紅的日子．．倒數中

半日閒

今日要去澳門做野,一早約左同事係上環等,去到已經成11點有多,之後成2點先食晏.
我地去左間咖哩屋食,個"黃姜雞湯"..好味道!!

都左5點返抵公司,一做就8點有多, 终於可以走入.
其實今日有半日hea, good short business trip!!

So Good!

WAKE AGAIN

今日約左朋友玩滑水，因為已經係９月尾，應該係最後一次啦．
點知天氣唔好，落雨同好冬呀，玩完都好驚病呀，但係玩左成日，好正的感覺．

可能要等下個夏季啦 ！我要wake jump and 180 side...

What can i do in this winter?? Maybe travel..heehee

始作俑者

上星期5睇左台灣Jolin HK Concert.
That is good show!

始作俑者
沒有表情一個人坐著 等著一個安慰的理由 但你沒有多年後時間不再緊湊 你我的以後也不再拼湊 愛情始作俑者不是誰 沒有誰錯又或誰對 不再害怕面對面對著自己 背對離去的你 選擇放棄

倒帶
一個人假日發呆　找不到人陪我看海 我在幸福的門外　卻一直都進不來　
你累積給的傷害　我是真的很難釋懷
終於看開愛回不來　而你總是太晚明白　最後才把話說開　哭著求我留下來
終於看開愛回不來　我們面前太多阻礙　你的手卻放不開　寧願沒出息求我別離開

反覆記號
愛情微笑著開始是美好 擁抱了之後是依靠觸摸幸福坦誠勇敢 我們都在無限的符號裡飄熱烈了以後卻逃掉 堅持棄權走掉 留下蹦緊的笑短暫而跳躍 我們習慣安靜的放掉 也許我們都在尋找屬於愛情透明的句號 以為找到我們之間 卻不是等號

假裝
假裝多好　我只要　只想要　再擁有一秒 去相信你的擁抱　一直會讓我依靠 繼續等待　還心甘情願的不想逃 像是駝鳥　相信時間是唯一解藥 視而不見　傻到了無可救藥 其實早明暸　你的愛已隨風飄 想要找　再也找不到

開場白
再見面　已經是朋友了我們就這麼單純　瞎聊著彼此說以後時間過了　學會珍惜了原來最初的快樂　並不是我們要的終於能夠坦白說著　我當時的脆弱是唯一的一次　不留著遺憾的　簡單結束了陌生 我們微笑了　也都不躲了　這單純的坦誠　就這樣　我們為彼此推翻著　不擾了　我們都笑了　時間停了　我們珍惜這一刻　放下累積的負荷　卸下沉默　學會了不保留
再見後　真的是朋友了我們都不再單純　也會笑著看以後 時間過了　也更珍惜了原來當時的快樂　仍在你我記憶中 終於能夠坦白說著　我現在不寂寞 是全新的一次　再也沒了遺憾　簡單地回應著傷痛 我們微笑了　也都不躲了　這單純的坦誠你好嗎　多麼默契的開場白　我笑了我們不走了　不再尷尬了　不回頭湊理由希望我們從此　都真的快樂　說好了　不說走

有一種讓我有心動感覺！

最終話
為自己而呼吸　為自己而心跳　為自己而　快樂和傷心　
明天　會有新的劇情　會有人更愛我　會有不再委屈的命運
最終話的最終場景　女孩眼中　他的背影

電影一週

上個星期二同朋友先睹為快睇左套＜穿PRADA 的惡魔＞(The Devil wears Prada)．
套電影講五光十色的時裝世界，新潮事物．女主角Anne Hathaway為了了解時裝界及活在花花世界上而付出了沉重代價，但這樣的犧牲又是否值得？
如果你係一個時裝愛好者, 你會愛上這戲．
靚人、靚衫、靚袋、靚景，睇得好鬼開心! 加上女主角同老闆的互動同我跟上司一樣，好有代入感．







星期日同友人們去完camp之后同人睇左叧一套電影，＜The Lake House＞
故事：兩顆寂寞的心，在這不可能的時空錯配下相識，再以書信譜寫至動人的純愛傳奇。
入場睇完全係因為Keanu Reeves，完全係一個單純細膩愛情故事， 愛上一個看不到，觸不到的人，執著地相信自己的感覺去愛... 好在結尾係happy ending.　好羨慕女主角有一個人去照顧佢

叧一方面，此戲有一間十分好的屋同景，keanu 真係好靚仔！！

生日月

話咁快過左半個8月,咁咁同左2班好友慶祝..一個係理工同學叧一個则係舊同事..
話咁快係poly u 畢業左４年啦， 好多人都變了，不論外型和感覺．．好陌生．
一張可能没有機會再拍的相．．．有變嗎？？？

咁咁去完宿營，上一次已經係一年前有多了，今次成十幾個人去貝澳．．我好似冇去過．．玩左成晚再訓左陣就起身去左一個叫長沙地方，水淸沙幼．．但玩左陣就落雨．．灰呀．．因為好累先走．．好想．．．．．訓啦　＞０＜

I DON'T CARE

近日沒有心情寫BLOG，天氣太熱啦！
上星期約左睇開我個病醫生做BODY CHECK,　由７點半等到１２點鐘（晩上时間喎），成５個鐘去日本都到左，之後佢同我講後生时快的找多的錢，叫我去澳洲長住，因香港唔適合我喎，等左咁耐講的咁野，之后醫生話我身子唔太合適曬太陽，會對個病唔好，我真係第一次聽呀！
冇太陽的日子＝灰啦

原本星期６約左朋友曬太陽，但最後都冇去，唉．．．
咁去左睇死亡筆記，之后去左個朋友生日party，點解８月咁多人生日呀．．
天氣熱都我個腦有問題，所以我選擇性失憶．．

”I don't care. No more care.
我不後悔　不後退　就是那麼的絕對　
我要的完美不是不是不是你能給　將一切毀滅　I don't care”

緣分--------

星期6晚同ivan慶祝之后，再去左叧一個友人生日party．
其實全埸冇咩人我識，得生日果個同佢男朋友．但坐左一陣見到一個好面善的男仔，原來佢係中學時的同學仔，细我一年級．佢都認得我．　之后發現有comment friend. 世界真係細呀！

近期認識的新朋友，原來大家都有comment friend ar.....so 緣．．

Deep Impact

尋晚終於完成地獄式Summer Term,一個星期連續２日要presentation，所以，尋晚早放都係返屋企休息．睇左套”Deep Impact"，講地球會比隕石撞以至出現”地球種類滅絕”，其實唔係套咩新戲，只係睇見人類面對死亡時會點而有所覺悟，有人只係想同家人共度最后一刻或者係會為自己的仔女可以生存下去而想辦法，或者用自己去救地球同保護家人．
所以，我睇完時唸若果個地球某一日完結時，會係果段日子會點過？
同咩人共渡呢個日子？？

近日，各地均有反常的天氣現象，再唸起之前海嘯，真的好感觸．．
同時都會唸我的人生點行落去．．

新＜家＞

近日冇寫blog一陣子，
其實因為搬左新OFFICE先真，家下的工作環境係我出來做野咁耐，最好的地方．我好辛苦先pack好自己department的野，因為我個department得我一個，所以有成３０箱野，終於拾好個位啦．（有好多個紙盒冇位放）

我形容公司為新家，係因為好快就到一年的peak season,話咁快就做左一年，有好多野做過，同時都過左一個公司暑假．好多人都話我有工作狂，對於自己工作上有熱誠係非常之好，所以我今個７月狂返學，等peak時有多的時間做野．下一季的企劃案到左最後階段，所以８／９月會有地獄式的工作時間，會係里個新家多過係自己個屋企．

大家睇下啦．．真係唔錯！鄰居為日本公司，但咁耐冇見個一個有型架仔出現．．takuya where are you??
好多玩具，個人都開心的啦！　

里張係我公司望都個景，點睇呀！

倒楣DAY

近日十分之黑仔，話說上個星期６約左朋友做生日同睇波，我已經好晏先去，踗住可以唔跣點飲家啦，去到的人都走左一半，坐左一陣轉去中環，唉．．．．點知．．唔見左個銀包．．＞０＜
埸德國對葡萄牙好貴呀．．．
原來我個人係十分之唔煩得，而唔銀包有十個煩．．身份證．．銀行呀．．．還有其他煩野．．
個人因天氣好熱而變得燥底，對住的咩Strategic management想死咁，日日係都睇，睇睇下唔明，好多個？？係個頭到，好頭痛＠＠
尋日個人已經唔多掂，今日就病貓啦．．

”財散人安樂”

累了

生活良方

踏入７月份，正是學生族放暑假的時候．想起從前自己的暑假並沒咩做過咁．小時候，冇咩暑假旅行去，都係會考後到韓國同媽咪，家姐去玩，而家下唸起都覺得有的遺憾係暑假時冇做多的野！（．．．好想放暑假呀！）

今朝睇都一本書講一個日本女仔的生活，點樣可以令自己開開心心咁過．．令我唸起自己的”生活良方”係點．．當然係．．去旅行啦．．
近期，身邊的友人們都去旅行，或者正在計劃去旅行．．．真係一大樂事呀！我在想下一站係咩地方，我好想去青島呀！睇電影同有關青島的相，好有感染想看一看，但身邊的朋友冇咩人想去，所以唔知幾時去到呢？　（有冇人有興趣去呀？）

希望快的過左個７月啦，因為８月先真正放個summer．．．．．要同陽光玩呀！

兒時玩伴

近日我一家都好忙,因為媽咪的一班澳洲朋友返左香港. 原因係有人要結婚了.
我家第二代的人已經長大成人,所以由我阿哥開始結婚,之后有不同的表姊/表哥逐一結婚.
2006年6月24日, 一個我由細到大的兒時玩伴, 孖女的家姊結婚 (其實同我同年),係婚宴上出現左一張好震撼的相!
一張有我家4兄弟姊妹加孖女同佢地阿哥, 一行7人排排坐, 好得意! (當時只有5歲吧)
其實我地一班小鬼真係有好多人, 家下個個都大晒, 應該我地的阿媽都好感觸啦@.@ 希望過多幾年會有第三代的出現啦...
我地屋企係一個愛登士家庭, 婚宴後一大班人去左唱k, 好小有咁多人一齊去，因為有的澳洲親戚要走啦，所以全部人都去玩同飲酒呀．．當日我負責安排酒水，發揮平日愛玩的精神，終於玩都４點幾走人啦，真係累了！


但係好開心有機會同兒時一起長大的人玩下．
下次希望到澳洲走走啦！









今日我阿爸去新西蘭成３個星期，冇湯飲啦！慘慘

Jessica

情意結之 軟硬 闊別10年踩入紅館

80年代的人對於軟硬有一份情意結,所以當知道佢地2隻野7月舉行一連四場「Long Time No See演唱會」,我身邊的朋友仔都問我買唔買到,其實我只係一個成日睇演唱會的觀眾啫,唔等於我可以下下都買到.
所以,今朝一早打電話訂飛. 但係真係太多人打啦,完全唔得,所以放棄訂購啦,各位真係唔好意思呀.

其實我對軟硬係因為佢地同草蜢係朋友,所以就成日會聽到佢地個節目,加上當時阿Do熱愛商台DJ，所以對佢地係唔陌生．反而，家下的DJ我真係唔想聽，唔知佢地係都講咩同得的笑聲，完全冇CONTENT．所以，我都冇聽電台同的廣東歌．

其實我唔係只睇台灣人，下月我會睇＜BLACK EYE PEAS> ，係國際博覽會，都係第一次睇．尚有陳綺貞到底幾時開呀．

我的萬人迷

近日開始地獄式的上學日子，一星期４晚日日係理工返學，以前full-time都好似冇咁多日．所以，日日返完工就返學，之后就返屋企，有約都唔想去，因為真係好累．　
０尋晚係第一晚係屋企睇世界盃，係我的至愛英格蘭對千里達．我對英格蘭全因＜碧咸＞，唸起中學時睇曼聯，當時有簡東拿同舒米高，中場有一班後生仔，包括：碧咸，史高斯，加利２兄弟同畢特等等．．．之後就支持萬人迷啦，當然人人話我鐘意佢帥，係呀，冇錯呀！
但佢都有腳法呀，你話係咪！？有相比你睇家．

昨晚，可以舒服地係屋企睇，連我媽咪都一齊睇，佢支持千里達喎．咁當然我係最多野講果個，因為原來有好多球員我唔多識．最識咪碧咸同奧雲加謝拉特，要的時間惡補下．hehe..


完場２比１，好野，碧咸好野．．有得訓啦．．

最後就係同阿哥得出一個結論：就係在家千日好
（完場啦，佢都拍手呀！）

我們的快樂時代

六月十日晚上, 原本係4年一度的英格蘭比賽, 但係當晚約左中7的同學食飯, 咁去到旺角某洒樓, 坐係到的半圍枱我都唔係識, 心0念唔係呀, 之後中7個班主任到左, 佢竟然記得我個名, 之后大家傾下近況, 知道禮賢會及一的舊同學的事. 好得意, 其實成班人有好多我係禮記都冇講果野, 竟然成5年后有機會同枱食飯, 你話係咪好得意??

之后同雪冰同夏迪珍飮野傾計，講返已前的事，好開心，其實阿冰講的野我已經唔記得，已經係成８，９年前的小事，一下子回到過去．．．．．．．．．．．．．．．．．
Miss Chan話我變左，　佢講我已前提（預科）時好靜，家下竟然做marketing，　我同阿冰都笑口，因為用靜來形容我係冇咩可能，只可以話個時的我係叧一個人啦，好灰時期！但家下的我有咩改變＞０＜　心態上吧，　睇野唔同左，　對人同做野都變啦，唔固執．．

完左阿冰之後，再去阿蕉生日party, 去左shing shing男友間bar．　我估唔都佢地會飲”硬野”，見到都唔想飲呀，反而我這羣中５同學改變不小吧！　我提早走了，因為一早去玩wakeboard，　但都成３點幾啦．．．

所以，今日生病了，原來的水只有２２度咋．．

你記得相片是什麼時候拍嗎？？

桃花運???

近期公司的同事全行桃花運，人人斱拍拖，咁我當然睇下自己有冇運行．．
睇返近期，行街撞見方生，成年冇見佢啦，之后”奧斯卡”打電話比我講佢的近況，其實冇咩好同佢講，我同佢係人生中的一個誤點．．新朋友仔有好仔，有好玩，所以問自己想要咩，唔係太淸楚．
所以決定自由發展，家下冇咩負擔，想點都可以！

究竟點睇男仔佢想玩下定認真呢？？
有冇意見發表下？

成廿幾歲人都唔係好得．．雙眼冇問題，點解睇人咁差．．唔明＞０＜

upload下的可以令個人開心的相先．． 台灣人

JC Wakeboard Daily

成個五月都未去過沙灘，日日係咁落雨，０尋日天氣一般，但一早約左的朋友仔去玩wake, 所以好早起身入到西貢．
我地８個人分２隻船玩，蛋仔好勁呀可以jump同玩下花式，我玩佢地塊板，好鬼難玩，飲左勁多水．　教練問我飲飽咩，好衰呀！

之後我轉左叧一塊板，容易好多，　可以起到水同係水上滑行，有進步呀！不過個海都有的冬加上有時落雨，係個海到都好辛苦．但係好玩家，　你地快的玩下啦！

玩左３個幾鐘，今朝起身就知痛啦．．．．．

我下個星期日再同個海見面，其實一個月唔係成日去玩都，所謂：女人真係唔易做！
原來bear都係西貢船河，不過見佢唔到呀！下次啦．
(相片后補）

jessica

宿命

近期個天日日落雨, 心情落入谷底! 好悶呀!!!!!!
今日個人有的"迷", 因為0尋晚去左朋友生日party, 成廿幾人唱歌，都唱唔到歌就係飲酒，好彩有人頂酒，唔係就返唔到工啦！

我的朋友仔話我知佢嘔，咁我同佢講左一個宿命：
紅酒＋啤油＝一定嘔

我同的朋友仔講開一個年齡問題：
女仔２４歲同２６歲有咩分別？
係我個人立場外表其實差不多，但係的男人會覺得２４歲係後生女，一都２６就等於３０歲的女人喎！　
唔係呀，真係咁睇呀？？
咁以后的人問我幾多歲，都要話２４．．．．

所以年齡的確係女人的宿命，唉！



Jessica